بارشاں وچ پیرس وی ڈُب جاندا اے، جی پی او چوک وچ گڑھا پینا تکنیکی مسئلا اے: شاہد خاقان عباسی

لاہور( پاکستان پوائنٹ نیوز04۔جولائی۔2018ء ) پاکستان مسلم لیگ (ن) دے رہنما و سابق وزیر اعظم شاہد خاقان عباسی نے آکھیا اے کہ جی پی او چوک وچ گڑھا پینا تکنیکی مسئلا اے، انج دیاں بارشاں وچ تے پیرس وی ڈُب جاندا اے، اسیں نگران حکومت نوں ذمے وار نہیں آکھدے، ہر عدالتی فیصلے دا احترام کیتا، آس اے انصاف ہوئے گا۔ لاہور ہائی کورٹ دے باہر میڈیا نال گل بات کردے ہوئے شاہد خاقان عباسی نے کیس بارے گل بات کرن توں معذرت کردے ہوئے آکھیا کہ جج صاحب نے آکھیاکہ کیس چل رہیا اے ایس لئی ایہدے بارے گل کرن توں پرہیز کرو۔

اوہناں نے آکھیا کہ سچ عدالت ساہمنے رکھ دتا، ہر عدالتی فیصلے دا احترام کیتا، آس اے انصاف ہوئے گا۔ بارش دے حوالے نال شاہد خاقان عباسی نے آکھیا کہ جی پی او چوک وچ گڑھا پینا تکنیکی مسئلا اے۔ انج دیاں بارشاں وچ تے پیرس وی ڈُب جاندا اے۔اوہناں نے آکھیا کہ ہور ملکاں وچ وی مینہ نال مسئلے پیدا ہو جاندے نیں۔ شہباز شریف دی حکومت وچ سبھ ٹھیک سی۔ اسیں نگران حکومت نوں ذمے وار نہیں آکھ سکدے۔