بلاول بھٹو نال عبداللہ شاہ غازی دے مزار اُتے مندی حرکت کرن دی کوشش

بلاول بھٹو نال عبداللہ شاہ غازی دے مزار اُتے مندی حرکت کرن دی کوشش

کراچی( پاکستان پوائنٹ نیوز30۔جون2018ء ) بلاول بھٹو نال عبداللہ شاہ غازی دے مزار اُتے مندی حرکت کرن دی کوشش، پیپلز پارٹی دے چیئرمین ہور رہنماواں نال مزار اُتے حاضری لئی گئے تے اک بندے نے اوہناں نوں چُمن دی کوشش کیتی۔ تفصیل مطابق پاکستان وچ الیکشن دیاں تیاریاں جاری نیں۔ ایس سلسلے وچ سیاستداناں ولوں ہن اچانک صوفی بزرگاں دے مزاراں اُتے حاضری دین دا سلسلا وی شروع ہو گیا اے۔

کُجھ دن پہلاں تحریک انصاف دے سربراہ عمران خان اپنی بیوی نال پاکپتن وچ مشہورپنجابی صوفی شاعر حضرت بابا فرید گنج دے مزار اُتے حاضری لئی گئے۔ عمران خان اُتے تنقید کیتی جا رہی اے کہ اوہناں نے مزار اُتے حاضری ویلے سجدہ کیوں کیتا؟پر ہن عمران خان مگروں پیپلز پارٹی دے چیئرمین بلاول بھٹو زرداری وی عبداللہ شاہ غازی دے مزار اُتے حاضری دین اپڑے۔ ایس موقعے تے اوہناں نال ہور رہنما وی سن۔ بلاول بھٹو نے مزار اُتے حاضری دوران پُھلاں دی چادر چڑھائی۔ پر ایس دوران بلاول بھٹو نوں اک جیالے نے اجرک پوائی تے اوہناں نوں چُمن دی کوشش وی کیتی۔ پر بلاول بھٹو نے صورتحال نوں چھیتی ای سمجھدے ہوئے اوس بندے نوں چُمن توں ڈک دتا۔