بورے والا( پاکستان پوائنٹ نیوز25۔جون2018ء ) بورے والا وچ سیشن جج دی موجودگی وچ مسلم لیگ (ن) دے دو دھڑیاں وچکار جھیڑا (جھگڑا) ہوگیا۔ مخالفاں نے اک دوجے اُتے گولیاں چلا دتیاں، گولی وجن نال بال زخمی ہو گیا۔ تفصیل مطابق الیکشن دا ویلا نیڑے آؤندے ای جتھے سیاسی درجہ حرارت ودھ گیا اوتھے مخالف نے اک دوجے اُتے وار کرنے وی شروع کر دتے نیں۔ تازہ اطلاع مطابق اج بورے والا وچ سیشن جج دی موجودگی وچ مسلم لیگ (ن) دے دو دھڑے آپس وچ لڑ پئے۔
مونہ ماری مگروں مخالفاں نے اک دوجے خلاف ہتھیار چُکدے ہوئے گولیاں چلا دتیاں۔ ایس دوران فائرنگ دے وٹاندرے (تبادلے)وچ اک بال گولی وجن نال زخمی ہو گیا۔بال نوں ڈاکٹری امداد لئی لاگے دے ہسپتال منتقل کر دتا گیا اے۔ دوجے پاسے صورتحال نوں قابو وچ رکھن لئی پولیس وی موقعے اُتے اپڑ گئی اے۔
