راولپنڈی( پاکستان پوائنٹ نیوز25۔جون2018ء ) پاک فوج نے شہریاں نوں جعلی اہلکاراں دیاں وارداتاں بارے خبردار کر دتا، کُجھ ہتھیار بند بندے فوجی اہلکار بن کے لوکائی نوں فون کر رہے نیں، فون کالز وچ آدم شماری (مردم شماری)لئی شناختی کارڈ تے بنک اکاؤنٹس دیاں تفصیلاں پُچھیاں جا رہیاں، لوک ذاتی معلومات شیئر نہ کرن، جعلی کالز دی اطلاع یو اے این 1135تے 1125اُتے کیتی جائے۔
پاک فوج دے شعبہ تعلقات عامہ (آئی ایس پی آر) مطابق ترجمان پاک فوج میجر جنرل آصف غفور نے ملک بھر دی لوکائی نوں اپنے پیغام وچ آکھیا کہ کُجھ بندے اپنے آپ نوں فوجی ظاہر کردے ہوئے لوکاں نوں فون کر رہے نیں۔ فون کالز دوران لوکاں توں آدم شماری دی تصدیق دے ناں اُتے معلومات لتیاں جا رہیاں نیں۔ کالز وچ شناختی کارڈ تے بنک اکاؤنٹس دیاں تفصیلاں پُچھیاں جا رہیاں نیں۔
اوہناں نے واضح کیتا کہ پاک فوج ولوں ایس طرحاں دی کوئی کال نہیں کیتی جا رہی۔ لوکائی نوں خبردار کیتا جاندا اے کہ ذاتی معلومات کسے نال شیئر نہ کیتیاں جان ۔ اوہناں نے واضح کیتا کہ پاک فوج نے آدم شماری دے تناظر وچ تصدیق کرن دی کوئی مہم شروع نہیں کیتی۔ ترجمان پاک فوج دا کہنا سی کہ لوکائی جعلی اہلکاراں توں ہوشیار رہن۔ جعلی ٹیفلیفون کالز آن دی صورت وچ پاک فوج نوں اطلاع دتی جائے۔ لوک یو اے این 1135تے 1125اُتے کال کرن۔
