لاہور( پاکستان پوائنٹ نیوز25۔جون2018ء ) پی ٹی آئی رہنما عائشہ نذیر جٹ نے آزاد حیثیت وچ الیکشن لڑن دا اعلان کر دتا۔ این اے 162تے 163دی سیٹ جت کے عمران خان نوں تحفہ دیواں گے، جہانگیر ترین کاروباری بندہ ، کرپٹ بندیاں نوں ترجیح دیندا، ٹکٹاں رکوان وچ اسحاق خاکوانی دا عمل دخل اے۔ اوہناں نے تحریک انصاف ولوں پارٹی ٹکٹ نہ ملن اُتے اپنے تحفظات دا اظہار کردے ہوئے چیئرمین پی ٹی آئی عمران خان دا بھرپور ساتھ دین دا اعادہ وی کیتا۔
نجی ٹی وی مطابق تحریک انصاف دی رہنما عائشہ نذیر جٹ دا کہنا اے کہ ساڈیاں ٹکٹاں دے معاملے اُتے عمران خان اُتے دباء پایا گیا۔ ٹکٹاں رکوان وچ اسحاق خاکوانی دا عمل دخل اے۔ اوہناں نے واضح کیتا کہ اسحاق خاکوانی نے ضمنی الیکشن وچ وی نقصان اپڑایا سی۔ عائشہ نذیر جٹ نے ہور آکھیا کہ این اے 162تے 163دی سیٹ جِت کے عمران خان نوں تحفہ دیواں گے۔ جہانگیر ترین کاروباری بندہ ، کرپٹ بندیاں نوں ترجیح دیندا اے۔
