میرا پُتر الیکشن نہیں لڑ رہیا:جہانگیر ترین

پی ٹی آئی دے سینئر رہنماواں نوں میڈیا اُتے اختلافی گلاں نہیں کرنیاں چاہیدیاں:میڈیا نال گل بات

میرا پُتر الیکشن نہیں لڑ رہیا:جہانگیر ترین
پی ٹی آئی دے سینئر رہنماواں نوں میڈیا اُتے اختلافی گلاں نہیں کرنیاں چاہیدیاں:میڈیا نال گل بات

لودھراں( پاکستان پوائنٹ نیوز23۔جون2018ء ) پاکستان تحریک انصاف دے رہنما جہانگیر ترین نے آکھیا اے کہ پارٹی دے سینئر رہنماواں نوں میڈیا اُتے اختلافی گلاں نہیں کرنیاں چاہیدیاں۔ میڈیا نال گل بات کردے ہوئے تحریک انصاف دے رہنما جہانگیر ترین نے آکھیا کہ نویں پاکستان لئی عمران خان نوں وزیر اعظم بنانا اے جیہناں دی قیادت پنجاب تے وفاق وچ حکومت بناواں گے۔

اوہناں دا کہنا سی کہ 90فیصد ٹکٹاں پرامن طور اُتے جاری کیتیاں گئیاں نیں، باقی 10فیصد وی جاری کیتیاں جان گیاں۔ اوہناں دا کہنا سی کہ ساڈے اُتے ٹکٹاں دے حوالے نال دباء اے، لوکاں دی خاہش اے کہ تحریک انصاف دے ٹکٹ ملن، اجیہے لوکاں نوں ٹکٹ دتے جا رہے نیں جو جِت سکدے نیں،ٹکٹ ملن والیاں دی لسٹ آؤندے 24گھنٹیاں دوران جاری ہو جائے گی۔ پی ٹی آئی دے وائس چیئرمین شاہ محمود قریشی نال ہون والی لفظی جنگ بارے جہانگیر ترین نے آکھیا کہ شاہ محمود قریشی نے جو گلاں کیتیاں ، اوہ اوہناں نوں نہیں کرنیاں چاہیدیاں ، میڈیا اُتے کسے دی ذات نوں نشانہ بنانا غیر مناسب اے۔

اوہناں دا کہنا سی کہ میں شاہ محمود دے جواب وچ پریس کانفرنس نہیں کیتی۔جہانگیر ترین نے آکھیا کہ میرا پُتر آکسفورڈ وچ پڑھائی کر رہیا اے، میں الیکشن نہیں لڑ رہیا، میرا پُتر الیکشن نہیں لڑ رہیا پر ہر امیدوار میرا پُتر اے، سیاست وچ ڈیڈ لاک آؤندے نیں تے ختم وی ہو جاندے نیں۔