حب( پاکستان پوائنٹ نیوز23۔جون2018ء ) حب ڈیم وچ پانی دی سطح خطرناک حد تیکر گھٹ ہو گئی،ڈیم وچ 10دن دا پانی رہ گیااے، جیہدی وجہ توں کراچی واسیاں نوں پانی دے ڈاڈھے بحران دا ساہمنا کرنا پئے گا۔ حب ڈیم وچ پانی دا لیول 9انچ رہ گیا اے۔ واٹر بورڈ حکام مطابق حب ڈیم وچ پانی دی سطح ڈیڈ لائن تیکر اپڑن مگروں غربی تے وسطی نوں صرف 10دناں تیکر پانی فراہم کیتا جا سکے گا۔
وسیلیاں مطابق 100ایم ڈی جی پانی فراہم کرن والے حب ڈیم توں 10ایم جی ڈی پانی فراہم کیتا جا رہیا اے۔ واٹر بورڈ حکام مطابق پانی ڈیڈ لیول اُتے اپڑن مگروں پمپس لا کے پانی دی فراہمی ممکن بنائی جائے گی۔ پمپس راہیں وی صرف 20دناں تیکر پانی فراہم کیتا جا سکے گا۔ اوہناں دا کہنا سی کہ جے بارشاں نہ ہوئیاں تے جولائی دے آخری ہفتے وچ پانی دی فراہمی بند ہو جائے گی۔ چیتے رہوے کہ ضلع غربی تے وسطی وچ پہلے ای پانی دی ڈاڈھی کمی اے، جدکہ حب ڈیم توں کراچی دے علاوہ بلوچستان نوں وی پانی فراہم کیتا جاندا اے۔
