سپریم کورٹ دا پٹرولیم وستاں دیاں قیمتاں بارے وڈا حکم

عدالت نے پٹرولیم وستاں دیاں قیمتاں تے ٹیکساں دے طریقہ کار دا نویں سِرے توں جائزہ لین دا حکم دے دتا

سپریم کورٹ دا پٹرولیم وستاں دیاں قیمتاں بارے وڈا حکم
عدالت نے پٹرولیم وستاں دیاں قیمتاں تے ٹیکساں دے طریقہ کار دا نویں سِرے توں جائزہ لین دا حکم دے دتا

کراچی( پاکستان پوائنٹ نیوز22۔جون2018ء ) سپریم کورٹ نے پٹرولیم وستاں دیاں قیمتاں گھٹ کرن لئی 10دناں وچ فارمولا منگدے ہوئے قیمتاں تے ٹیکساں دے طریقہ کار دا نویں سِرے توں جائزہ لین دا حکم دے دتا۔ جمعے نوں سپریم کورٹ کراچی رجسٹری وچ پٹرولیم وستاں(مصنوعات) دیاں قیمتاں دا تعین تے وادھو ٹیکس دے معاملے اُتے سنوائی ہوئی۔ سپریم کورٹ نے قیمتاں گھٹ کرن لئی دس دناں وچ فارمولا منگ لیا۔

عدالت نے اوگرا، پی ایس او تے ہور حکام دی بریفنگ اُتے اطمینان دا اظہار نہ کیتا۔ عدالت نے قیمتاں تے ٹیکساں دے طریقہ کار دا نویں سِرے توں جائزہ لین دا حکم دتا۔ عدالت نے آکھیا کہ صلاح کر کے دسو ٹیکس گھٹ کر کے کیویں قیمت گھٹ کیتی جا سکدی اے۔ سپریم کورٹ نے ایہناں اداریاں دے موجودہ سربراہواں دی تقرری دی تفصیل وی پیش کرن دا حکم دتا۔ چیف جسٹس نے آکھیا کہ سربراہواں دی تقرری دا طریقہ کار تے مطلوبہ قابلیت وی دسو، لوکاں اُتے ترس کھانا سکھو !لوکائی ٹیکس دے دے کے رُل گئی اے۔