بورے والا( پاکستان پوائنٹ نیوز22۔جون2018ء ) چودھری نذیر جٹ دا کہنا اے کہ تحریک انصاف دا ٹکٹ منگن دی مینوں کوئی لوڑ نہیں، عمران خان نے بنی گالا وچ میرے توں وڈے کُتے بنھے ہوئے نیں۔ تفصیل مطابق تحریک انصاف نے پنجاب وچ اپنے کئی مضبوط امیدواراں توں ٹکٹ واپس لین دا فیصلا کیتا اے۔تحریک انصاف نے نذیر جٹ خاندان نوں دتے گئے ٹکٹ واپس لین دا فیصلا کیتا اے۔
تحریک انصاف نے اپنے مضبوط ترین امیدوار عائشہ نذیر جٹ تے اوہناں دے والد نوں دتے گئے ٹکٹ رد کر دتے۔ بورے والا دے حلقہ این اے 162،پی پی 229، پی پی 230توں ترتیب وار عائشہ نذیر جٹ، چودھری نذیر جٹ تے عبدالحمید بھٹی نوں دتے گئے ٹکٹ کینسل کر دتے گئے نیں۔ آن والے دناں وچ ایہناں سیٹاں اُتے نویں امیدواراں دا فیصلا کیتا جائے گا۔ ذکر کیتے گئے رہنماواں دے ٹکٹس پارٹی کارکناں دے احتجاج تے عائشہ نذیر جٹ دا اقامہ ساہمنے آن دی وجہ توں منسوخ کرن دا فیصلا کیتا گیا اے۔پارٹی ولوں ایہناں حلقیاں وچ فیر عوامی رائے نوں مُکھ رکھدے ہوئے فیصلا کیتا جائے گا۔
