لندن( پاکستان پوائنٹ نیوز22۔جون2018ء ) سابق وزیر اعظم پاکستان متحرمہ بے نظیر بھٹو دی بھانجی نے لندن وچ ویاہ کر لیا۔ قومی اخبار مطابق بے نظیر بھٹو دی بھین صنم بھٹو دی دھی آزادی حسین نے لندن وچ اک نجی تقریب دوران ویاہ کیتا۔ ویاہ دی ایس تقریب وچ خاندان دے قریبی بندیاں تے یار اں بیلیاں نوں سدیا گیا سی۔ قومی اخبار مطابق لندن وچ ہون والے ایس ویاہ دی تقریب دیاں تصویراں تے ویڈیو وی ساہمنے آ گئی اے۔
ایہناں تصویراں وچ لاڑی(دلہن) آزادی حسین نے روایتی طور اُتے لال رنگ دا جوڑا تے سونے دے گہنے پائے ہوئے سن ،جیہناں نے سوشل میڈیا ورتیندڑاں دی وجہ حاصل کر لی اے۔آزادی حسین دا ویاہ لندن وچ رہن والے اک برطانوی نژاد شہری نال ہویا۔ ویاہ دی ایس تقریب وچ بے نظیر بھٹو دے تِناں بالاں، بلاول، آصفہ تے بختاور نے رلت کیتی۔ آزادی حسین دے ویاہ دیاں تصویراں ساہمنے آن مگروں لوک لاڑے بارے معلومات لئی ڈاڈھے بے چین نیں۔
