زعیم حسین قادری نے آزاد حیثیت نال الیکشن لڑن دا اعلان کر دتا

لاہور( پاکستان پوائنٹ نیوز21۔جون2018ء ) زعیم حسین قادری نے آزاد حیثیت نال الیکشن لڑن دا اعلان کر دتا اے۔ سابق صوبائی وزیر زعیم قادری نے آکھیا کہ میریاں تن نسلاں دا تعلق (ن) لیگ نال رہیا اے، اج پارٹی ایسے سوال کر رہی اے جیویں کسے لوٹے توں پُچھے جاندے نیں۔ نجی ٹی وی مطابق (ن) لیگ نال لمبی جُڑت رکھن والے زعیم حسین قادری وی پارٹی قیادت توں ناراض ہو گئے۔

رہنما (ن) لیگ زعیم قادری دا کہنا اے کہ اسیں جائیداداں ویچ کے پارٹی دا ساتھ دتا۔ پارٹی لئی قربانیاں دین والیاں نوں نظر انداز کیتا جا رہیا اے۔ اوہناں نے آکھیا کہ میریاں تن نسلاں دا تعلق (ن) لیگ نال رہیا اے، اج پارٹی ایسے سوال کر رہی اے جیویں کسے لوٹے توں پُچھے جاندے نیں۔چیتے رہوے کہ زعیم قادری پارٹی قیادت توں این اے 133وچ ٹکٹ نہ ملن اُتے ناراض نیں۔ اوہ اج اپنے سیاسی مستقبل دا اعلان وی کرن گے۔