کراچی( پاکستان پوائنٹ نیوز19۔جون2018ء ) حلقہ این اے 243توں عمران خان دے کاغذات نامزدگی بارے وڈا فیصلا کر لیا گیا اے۔کراچی دے حلقہ این اے 243توں عمران خان دے کاغذات نامزدگی منظور کر لئے گئے۔ میڈیا رپورٹس مطابق ریٹرننگ افسر نے کراچی دے حلقہ این اے 243توں عمران خان دے کاغذات نامزدگی بارے فیصلا سُنا دتا اے۔ فیصلے مطابق حلقہ این اے 243توں عمران خان دے کاغذات نامزدگی منظور کر لئے گئے نیں۔
ایس توں پہلاں لاہور دے حلقہ این اے 131توں عمران خان دے کاغذات نامزدگی منظور کر لئے گئے سن۔ جدکہ اسلام آباد دے حلقہ این اے 53توں عمران خان دے کاغذات نامزدگی منظور نہیں کیتے گئے۔ فیصلے وچ آکھیا گیا سی کہ عمران خان دے کاغذات نامزدگی بیان حلفی دی شق ’این‘ دے تحت متھے گئے طریقے مطابق نہ ہون اُتے رد کیتے گئے نیں۔ریٹرننگ افسر مطابق عمران خان نے اپنے حلقے وچ مفاد عامہ دے کماں دیاں تفصیلاں نہیں دتیاں سن۔
پچھلے دیہاڑے عمران خان دے وکیل ولوں جواب جمع کروایا گیا سی، جیہدے وچ آکھیا گیا کہ اوہناں دے خلاف چُکے جان والے اعتراض بے بنیاد تے دھوکا اے۔ چیتے رہوے کہ الیکشن2018لئی امیدواراں دے کاغذات نامزدگی دی پُن چھان دااج آخری دن اے۔ دوجے پاسے ترجمان الیکشن کمیشن دا کہنا اے کہ پُن چھان دا ویلا ودھان دی کوئی تجویز اُتے غور نہیں کیتا گیا۔
