کپتان دا اک ہور کھڈاری میدان چھڈ گیا

کپتان دا اک ہور کھڈاری میدان چھڈ گیا

لاہور( پاکستان پوائنٹ نیوز19۔جون2018ء ) کپتان دا اک ہور کھڈاری میدان چھڈ گیا۔ تفصیل مطابق الیکشن توں پہلاں سیاسی جوڑ توڑ جاری اے تے ایس سلسلے وچ کئی سیاسی رہنمااپنے مفاد اں یاں پارٹیاں توں ناراض ہوکے دوجیاں پارٹیاں وچ جار ہے نیں۔ میڈیا رپورٹس مطابق تحریک انصاف دے رہنما فخر لالیکا نے پی ٹی آئی نوں چھڈ دتا اے۔ فخر لالیکا منڈی بہاؤالدین توں تعلق رکھدے سن۔

فخر لالیکا این اے 86توں امیدوار سن۔ فخر لالیکا دا کہنا اے کہ مینوں قومی اسمبلی دا ٹکٹ دین دا وعدہ کیتا گیا سی پر صوبائی اسمبلی دا ٹکٹ دتا گیا، جیہدی وجہ توں میں پی ٹی آئی چھڈن دا فیصلا کیتا اے۔ فخر لالیکا پی ٹی آئی چھڈ کے پیپلز پارٹی وچ رلتی ہو گئے نیں۔ فخر لالیکا نے پیپلز پارٹی دے رہنما قمر زمان کائرہ نال ملاقات کردے ہوئے پیپلز پارٹی وچ رلتی ہون دا اعلان کیتا۔دوجے پاسے ناقداں تے رُس جان والے کارکناں دا کہنا اے کہ پی ٹی آئی نے اپنے اہم تے موڈھی رہنماواں نوں نظر انداز کر کے نویں پارٹی وچ رلتی ہون والے سیاسی رہنماواں نوں ٹکٹ جاری کیتے جو پارٹی دے نظریاتی رہنماواں نال زیادتی اے۔