راولپنڈی( پاکستان پوائنٹ نیوز19۔جون2018ء ) عوامی مسلم لیگ دے سربراہ شیخ رشید خلاف مسلم لیگ (ن) دے ناراض دو دھڑیاں وچکار صلح ہو گئی، دوویں دھڑیاں نے سانجھیاں کوششاں دا فیصلا کیتا اے۔تفصیل مطابق مسلم لیگ (ن) دے صدر شہباز شریف دی ہدایت اُتے سینیٹر چودھری تنویر نال حنیف عباسی نے ملاقات کیتی۔ ملاقات دوران راولپنڈی توں شیخ رشید خلاف الیکشن لڑن بارے وچار وٹاندرا کیتا گیا۔
دوویں رہنماواں وچکار ملاقات سابق لیگی ایم این اے طاہرہ اورنگزیب دے گھر ہوئی۔ ملاقات دوران فیصلا کیتا گیا کہ شیخ رشید خلاف دوویں دھڑے سانجھیاں کوششاں کرن گے۔ ملاقات دوران مسلم لیگ (ن) توں تعلق رکھن والے میئر راولپنڈی سردار نسیم وی موجود سن۔ چیتے رہوے کہ عوامی مسلم لیگ دے سربراہ شیخ رشید دے قومی اسمبلی دے حلقہ این اے 60تے 62توں کاغذات نامزدگی پہلے ای منظور ہو گئے نیں۔ سینیٹر چودھری تنویر احمد خان تے سابق رکن قومی اسمبلی حنیف عباسی دی قیادت وچ مسلم لیگ (ن) دا راولپنڈی وچ ووٹر دو واضح دھڑیاں وچ ونڈیا ہویا سی، جیہدی وجہ توں پارٹی دی اُتلی قیادت وی پریشان سی۔
