لندن( پاکستان پوائنٹ نیوز15۔جون2018ء ) سابق وزیراعظم نواز شریف دی بیوی کلثوم نواز دی طبیعت ہور وِگڑ گئی۔ وسیلیاں نے دسیا کہ بیگم کلثوم نواز دی طبیعت پھیپھڑیاں وچ خون دا لوتھڑا آن دی وجہ توں وگڑی۔ پھیپھڑیاں وچ خون دا لوتھڑا آن دی وجہ توں دل نے کم کرنا چھڈ دتا۔ کلثوم نواز پلمونری ایمبولیزم دی وجہ توں بے ہوش ہوکے ڈگیاں۔ایس حوالے نال پاکستانی ڈاکٹراں دا کہنا اے کہ خون دا لوتھڑا پھیپھڑیاں وچ آن دی وجہ توں دل کم کرنا بند کر دیندا اے۔
کئی وارتے فیل ہو جاندا اے۔ کلثوم نواز دی حالت خراب ہون اُتے مریم نواز نے ماں دی صحت لئی دعاواں دی اپیل کیتی اے۔ ڈاکٹراں مطابق 24گھنٹے بہت اہم نیں۔چیتے رہوے کہ کلثوم نواز نوں پچھلی رات حالت خراب ہون اُتے ہسپتال دے ایمرجنسی وارڈ منتقل کیتا گیا سی، جتھوں اوہناں نوں فیر آئی سی یو وچ شفٹ کیتا گیا۔ آئی سی یو وچ کلثوم نواز نوں دل دی تکلیف ہون دی وجہ توں وینٹری لیٹر اُتے منتقل کر دتا گیا۔
وسیلیاں مطابق نواز شریف نوں ہیتھرو ائر پورٹ اُتے بیگم کلثوم نواز دی طبیعت خراب ہون بار ے دسیا گیا۔ لندن وچ لینڈ کردے ای نواز شریف تے مریم نواز سدھے ہسپتال گئے، جتھے اوہناں نے بیگم کلثوم نواز دی خبر لئی۔ ڈاکٹراں نے سابق وزیر اعظم نوں بیگم کلثوم نواز دی طبیعت بارے بریفنگ دتی ، جیہدے مگروں نواز شریف تے مریم نواز ہسپتال توں چلے گئے۔ روانگی ویلے مریم نواز رُو رہیاں سن۔ شریف خاندان نے قوم توں اپیل کیتی اے کہ اوہ کلثوم نواز دی صحتیابی لئی دعاکرن۔
