اسلام آباد وچ وی عمران خان دے کاغذات نامزدگی چیلنج

اسلام آباد( پاکستان پوائنٹ نیوز14۔جون2018ء ) اسلام آباد وچ وی عمران خان دے کاغذات نامزدگی چیلنج کر دتے گئے، این اے 53توں مخالف امیدوار عبدالوہاب بلوچ نے اعتراض دائر کیتا۔ عبدالوہاب بلوچ این اے 53توں پاکستان جسٹس اینڈ ڈیموکریٹک پارٹی دے امیدوار نیں۔ عبدالوہاب بلوچ نے اپنے اعتراض وچ آکھیا اے کہ سیتا وائٹ نوں پاکستان وچ قبول نہیں کیتا،ایس لئی عمران خان صادق تے امین نہیں رہے۔

جیہدے مگروں این اے 53دے ریٹرننگ افسر نے عمران خان نوں نوٹس جاری کر دتے نیں۔چیتے رہوے کہ ایس توں پہلاں این اے 243کراچی توں کاغذات نامزدگی نوں چیلنج کیتا گیا اے ۔ایس توں پہلاں سابق چیف جسٹس دا کہنا سی کہ اوہ سیتا وائٹ دے حوالے نال عمران خان خلاف ثبوت اکٹھے کر چکے نیں۔ افتخار چودھری دا کہنا سی کہ عمران خان اُتے خطرناک الزام موجود نیں کہ اوہناں دا اک `Love Child`اے۔ مینوں نہیں پتا اُردو وچ ایہناں اکھراں نوں کیویں بیان کیتا جائے کیونکہ ساڈیاں دھیاں وی ایہ گل سُن رہیاں ہون گیاں۔ بھاویں عمران خان پاکستان وچ ایس دھی نوں قبول نہیں کردے پر پاکستان توں باہر اوہنوں قبول کردے نیں۔