حکومت دا پٹرولیم وستاں دیاں قیمتاں وچ وادھے دا فیصلا

حکومت دا پٹرولیم وستاں دیاں قیمتاں وچ وادھے دا فیصلا

اسلام آباد( پاکستان پوائنٹ نیوز11۔جون2018ء ) حکومت نے پٹرولیم وستاں دیاں قیمتاں وچ وادھے دا فیصلا کر لیا۔ نجی ٹی وی نے وسیلیاں دے حوالے نال دسیا اے کہ پٹرولیم وستاں دیاں قیمتاں طے کرن لئی وزارت خزانہ ولوں گھلی گئی سمری وزیراعظم سیکرٹریٹ وچ اے۔ وسیلیاں مطابق پٹرولیم وستاں دیاں قیمتاں وچ وادھا نہ کرن نال معیشت نوں روز اک ارب 90کروڑ رُپئے دا نقصان ہو رہیا اے۔ پٹرولیم وستاں دی وجہ توں ہون والے نقصان نوں نہ روکیا تے معیشت اُتے بُرا اثر پئے گا۔ چیتے رہوے کہ اوگرا نے پہلی جون توں پٹرول دی قیمت8رُپئے 37پیسے، ڈیزل ساڈھے 12رُپئے تے مٹی دا تیل8رُپئے 30پیسے فی لیٹر مہنگا کرن دی سفارش کیتی سی۔ پٹرولیم وستاں وچ وادھے دی سمری سابق حکومت نے تیار کر کے اوگرا نوں گھلی۔