کوئٹہ( پاکستان پوائنٹ نیوز06۔جون2018ء ) بلوچستان دی راجدھانی کوئٹہ وچ پولیس اُتے حملا کیتا گیا اے۔ کوئٹہ دی ارباب کرم خان روڈ اُتے پولیس موبائل اُتے فائرنگ دے نتیجے وچ پولیس اہلکار سید احمد لانگو ہلاک ہوگیا۔ تفصیل مطابق دہشت گرداں نے روزیاں دے مبارک مہینے وچ وی اپنیاں کارروائیاں جاری رکھیاں نیں۔ اطلاع مطابق بلوچستان دی صوبائی راجدھانی کوئٹہ وچ پولیس وین نوں نشانہ بنایا گیا اے۔
فائرنگ دے نتیجے وچ پولیس اہلکار سید احمد لانگو ہلاک ہو گیا۔ ایس حوالے نال پولیس تے ملزماں وچکار فائرنگ دا وٹاندرا وی ہوا۔ پولیس دی فائرنگ دے نتیجے وچ حملا آور وی ہلاک ہو گیا۔ پولیس ولوں حملا آور دی لاش نوں قبضے وچ لے کے تفتیش شروع کر دتی گئی اے۔ دوجے پاسے شہید اہلکار دی لاش نوں ہسپتال منتقل کر دتا گیا اے۔ شہید پولیس اہلکار دی شناخت سعید احمد لانگو دے ناں توں ہوئی اے۔ ہسپتال وچ ضروری کارروائی مگروں سعید احمد لانگو دی لاش نوں وارثاں دے حوالے کر دتا جائے گا۔ چیتے رہوے کہ کُجھ دن پہلاں وی ڈیرہ مراد جمالی وچ دھماکے دوران پولیس نوں نشانہ بنایا گیا سی۔ دھماکے دے نتیجے وچ دو پولیس اہلکاراں سنے چار بندے زخمی ہو گئے سن۔
