نکی عید دے موقعے تے ریل گڈی وچ سفر کرن والیاں لئی چنگی خبر آ گئی

نکی عید دے موقعے تے مسافراں نوں 30فیصد تیکر رعایت دتی جائے گی: ریلوے حکام

نکی عید دے موقعے تے ریل گڈی وچ سفر کرن والیاں لئی چنگی خبر آ گئی
نکی عید دے موقعے تے مسافراں نوں 30فیصد تیکر رعایت دتی جائے گی: ریلوے حکام

لاہور( پاکستان پوائنٹ نیوز02۔جون2018ء ) پاکستان ریلوے اپنی روایت نوں برقرار رکھدے ہوئے نکی عید دے موقعے تے مسافراں نوں کرایاں وچ 30فیصد تیکر رعایت دیوے گا۔ پاکستان ریلوے دے ترجمان مطابق نکی عید تے ٹرو والے دن مسافراں نوں ساریاں ٹریناں دیاں ساریاں کلاساں اُتے کرایاں وچ 30فیصد تیکر رعایت دتی جائے گی۔ عید پیکج دا فیصلا چیف ایگزیکٹو افسر پاکستان ریلوے آفتاب اکبر دی صدارت ہیٹھ ہون والے اجلاس وچ کیتا گیا۔

اجلاس وچ اے جی ایم ٹریفک عبدالحمید رازی تے ہور افسراں نے رلت کیتی۔ سی ای او محمد آفتاب اکبر مطابق نکی عید دے موقعے تے پاکستان ریلوے ملک واسیاں نوں اوہناں دے پیاریاں نال ملان لئی وادھو (اضافی) ریل گڈیاں وی چلائے گی۔ ترجمان مطابق پاکستان ریلوے ایڈوانس بکنگ اُتے رمضان پیکج دے تحت کرایاں وچ 20فیصد رعایت دے رہیا اے۔