وڈیرا بابا ایمبولینس نہ ہون دی وجہ توں بیمار بیوی نوں منجھی سنے کھچ کے ہسپتال تیکر لیجان اُتے مجبورہوگیا

وڈیرا بابا ایمبولینس نہ ہون دی وجہ توں بیمار بیوی نوں منجھی سنے کھچ کے ہسپتال تیکر لیجان اُتے مجبورہوگیا

لاہور( پاکستان پوائنٹ نیوز30۔مئی2018ء ) وڈیرا بابا ایمبولینس نہ ہون دی وجہ توں بیمار بیوی نوں منجھی سنے کھچ کے ہسپتال تیکر لیجان لئی مجبورہوگیا۔ تفصیل مطابق سوشل میڈیا اُتے کل توں اک تصویر وائرل ہو رہی اے جیہنوں ویکھدے ای شاید ای کسے دیاں اکھاں پانی نال نہ بھریاں ہون۔ تصویر وچ ویکھیا جا سکدا اے کہ اک وڈیرا بابا اپنی بیمار بیوی نوں منجھی اُتے ہسپتال تیکر لیجان لئی مجبور اے۔

کیونکہ اوہنوں ایمبولینس دی سہولت میسر نہیں اے۔ دسیا جا رہیا اے کہ ایہ وڈیرا بندہ جھنگ توں تعلق رکھدا اے تے جدوں اوہدی بیوی دی طبیعت وگڑی تے اوہ اوہنوں سول ہسپتال لے کے جانا چاہندا سی پر بیوی نوں ہسپتال تیکر لیجان لئی ایمبولینس نہیں سی جیہدے مگروں وڈیرے بابے نے منجھی نال اک چادر بنھی تے منجھی نوں کھچدا ہویا ہسپتال ول ٹُر پیا۔ سوشل میڈیا اُتے وائرل ایس تصویر نے حکومتی کارکردگی دا بھانڈا بھن دتا اے۔

ایس تصویر نے کئی سوال کھڑے کر دتے نیں۔ ایہ تصویر سوشل میڈیا اُتے وی وائرل ہو گئی اے۔ سوشل میڈیا ورتیندڑاں نے ایس تصویر اُتے غصے دا وکھالا کردے ہوئے آکھیا اے کہ ساڈے ملک دے ایہ حالات نیں کہ غریب بندے نوں صحت ورگیاں سہولتاں وی نہیں مل رہیاں۔ پرجے کوئی بیمار ہو جائے تے اوہنوں ہسپتال تیکر لے کے جان لئی ایمبولینس تیکر موجود نہیں اے۔کیہ ایہ اے روشن پاکستان؟سوشل میڈیا ورتیندڑاں نے ایس تصویر اُتے حکومت نوں وی تنقید دا نشانہ بناندے ہوئے آکھیا کہ حکومت ہسپتال بنان توں ودھ میٹرو بنان تے موٹروے بنان نوں ترجیح دیندی اے۔ جدکہ لوکائی نوں بنیادی سہولتاں دین ول حکومت دی کوئی توجہ نہیں اے۔