اسلام آباد( پاکستان پوائنٹ نیوز26۔مئی2018ء ) نجی ٹی وی چینل دے پروگرام وچ گل بات کردے ہوئے مشہور پرچا کار کاشف عباسی نے آکھیا کہ نواز شریف دے بیانیے تے اوہناں دی چالو(موجودہ) پالیسی مگروں شریف خاندان پوری طرحاں اجے وی ختم نہیں ہویا بلکہ اجے شہباز شریف دی گیم باقی اے۔ اوہناں نے آکھیا کہ جے شہباز شریف اپنی گیم کھیڈنا چاہن تے اوہ کھیڈ سکدے نیں۔
ایس ویلے پنجاب وچ بہت وڈا خلا اے۔ عمران خان نے اجے پورا پنجاب کور نہیں کیتا۔ عمران خان نے جنوبی پنجاب تے کور کر لیا پر اجے سینٹرل تے نارتھ پنجاب باقی اے۔ اوہناں نے آکھیا کہ ساری گیم مسلم لیگ (ن) دی اے کیونکہ پیپلز پارٹی تے پنجاب توں فارغ ہو گئی اے۔ کاشف عباسی دا کہنا سی کہ میرے خیال وچ جے مسلم لیگ (ن) پنجاب وچ صحیح طریقے نال اپنی سیاست کرے تے اجے وی جِت اوہناں دی ہو سکدی اے۔
اوہناں دا کہنا سی کہ شہباز شریف نوں اپنے بھرا دے بیانیے خلاف کھلونا پئے گا کیونکہ فوجیاں نال لڑ کے تُسیں الیکشن وچ نہیں جا سکدے۔ شہباز شریف نوں اپنی سیاست سدھی کرنی پئے گی، جے اوہناں نے اپنی سیاست سدھی رکھی تے عین ممکن اے کہ ایہ لوک پنجاب وچ اپنی حکومت وی بنا لین۔ اوہناں دا کہنا سی کہ جے ایس صورتحال وچ شہباز شریف نہیں کھلونا چاہندے تے کیہ آکھیا جا سکدا اے۔ نواز شریف نوں چنگی طرحاں پتا اے کہ اوہناں نوں ایہناں بیاناں دا کوئی فائدہ نہیں ا ے تے فیر اوہناں نے بیان کیوں دتے نیں؟کاشف عباسی دا کہنا سی کہ شہباز شریف وچ حوصلا نہیں اے تے نواز شریف دی سمجھ نہیں آؤندی کہ اوہ کیہ کرنا چاہندے نیں۔
