لندن( پاکستان پوائنٹ نیوز25۔مئی2018ء ) چاہن والیاں دیاں دعاواں رنگ لے آئیاں، کلثوم نواز دی حالت بہتر ہون لگی۔ کلثوم نواز دا لندن دے ہارلے کلینک وچ ڈاکٹری معائنہ مکمل ہو گیا۔ ڈاکٹراں نے طبیعت وچ بہتری دی تصدیق کر دتی۔ تفصیل مطابق سابق وزیراعظم نواز شریف دی گھر والی کلثوم نواز کینسر دیاں روگن نیں ، جو ایس ویلے لندن دے ہسپتال وچ داخل نیں۔ سابق وزیر اعظم میاں نواز شریف دی دھی و مسلم لیگ (ن) دی رہنما مریم نواز نے روزیاں دے شروع وچ اپنی ماں لئی دعا دی اپیل کیتی سی۔ تازہ خبر مطابق
چاہن والیاں دیاں دعاواں رنگ لے آئیاں نیں، جیہدے مگروں کلثوم نواز دی طبیعت وچ بہتری آن لگی اے۔ پچھلے دیہاڑے کلثوم نواز دا لندن دے ہارلے کلینک وچ ڈاکٹری معائنہ کیتا گیا ۔ ڈاکٹری معائنے مگروں ڈاکٹراں نے تصدیق کیتی کہ کلثوم نواز دی حالت وچ بہتری آ رہی اے۔ جیہدے اُتے شریف خاندان نے خشی دا وکھالا کیتا۔
