نوجوان نوں کُڑیاں ساہمنے غیر اخلاقی حرکت کرنا مہنگا پے گیا

2بھیناں نے غیر اخلاقی حرکت کرن والے نوجوان دی تصویر سوشل میڈیا اُتے وائرل کر دتی

نوجوان نوں کُڑیاں ساہمنے غیر اخلاقی حرکت کرنا مہنگا پے گیا
2بھیناں نے غیر اخلاقی حرکت کرن والے نوجوان دی تصویر سوشل میڈیا اُتے وائرل کر دتی

لاہور( پاکستان پوائنٹ نیوز25۔مئی2018ء ) نوجوان نوں کُڑیاں ساہمنے غیر اخلاقی حرکت کرنا مہنگا پے گیا۔2بھیناں نے غیر اخلاقی حرکت کرن والے نوجوان دی تصویر سوشل میڈیا اُتے وائرل کر دتی۔ میڈیا رپورٹس مطابق دو بھیناں نے اک نوجوان دی غیر اخلاقی حرکت کرن دی تصویر بنا ندے ہووئے اوہنوں سوشل میڈیا اُتے پوسٹ کر دتا۔ کُڑیا ں ولوں سوشل میڈیا اُتے پوسٹ ہون مگروں ایہ تصویر وائرل ہو گئی۔

ایہ تصویر دو دن پہلے دی اے۔ پر اجے وی ایہ غیر اخلاقی حرکتاں کرن والا نوجوان گرفتار نہ ہو سکیا۔ غیر اخلاقی حرکت کرن والا ایہ نوجوان اجے وی قانون ہتھوں آزاد اے۔ پولیس نوجوان دی تصویر لے کے اوہنوں بھالن دی کوشش کر رہی اے۔ جدکہ پولیس کول نوجوان دی گڈی دی نمبر پلیٹ دی تصویر وی اے۔ جیہدے راہیں نوجوان دی بھال کرن تے اوہدے تیکر اپڑن دی کوشش کیتی جا رہی اے پر دو دن لنگھ جان مگروں وی پولیس ایس نوجوان نوں گرفتار نہ کر سکی۔

چیتے رہوے کہ ایس توں پہلاں کراچی توں تعلق رکھن والے کئی نوجواناں دیاں غیر اخلاقی تصویراں تے ویڈیو سوشل میڈیا اُتے وائرل ہوئیاں نیں۔ کُجھ نوجواناں نے تے سرعام ایہناں ویڈیوز وچ پولیس نوں تے قانون نافذ کرن والے اداریاں نوں دھمکیاں دتیاں ہوئیاں نیں پر پولیس ایس طرحاں دے واقعیاں اُتے قابو پان وچ ڈاڈھی طرحاں ناکام نظر آؤندی اے۔