کراچی(پاکستان پوائنٹ نیوز۔24ستمبر 2016) پیپلز پارٹی دے چیئرمین بلاول بھٹو زرداری نے آکھیا اے کہ 2018 دے الیکشن وچ پیپلز پارٹی ای جِتے گی، سندھ وچ مضبوط تنظیم سازی کرن جا رہے آں، پنجاب نوں وی جلدی سیاسی سرگرمیاں دا مرکز بناواں گے۔ پارٹی وسلیاں دے مطابق ہفتے دے دیہاڑے بلاول بھٹو زرداری نے ٹھٹھہ وچ پارٹی رہنماواں نال ملاقات کیتی، ملاقات دوران بلاول بھٹو دا کہنا سی کہ پیپلز پارٹی دی ہر تن ورھیاں بعد تنظیم نو کیتی جاوے گی۔
اوہناں نے آکھیا کہ پارٹی دی نویں تنظیم سازی وچ قربانی دین والیاں نوں اہمیت دتی جاوے گی۔ اوہناں نے آکھیا کہ آن والے دناں وچ پیپلز پارٹی سندھ وچ مضبوط تنظیم سازی کرن جا رہی اے، جدکہ ایس توں بعد اسیں پنجاب وچ وی جلدی سیاسی سرگرمیاں دا آاغاز کراں گے۔ اوہناں نے ایس موقع اُتے آکھیا کہ 2018 دے الیکشن وچ پیپلز پارٹی ای جِتے گی۔
