جنگ اینی آسان نہیں بھارت نوں ذہن وچ رکھنا چاہیدا، جے ریاست نوں چیلنج کیتا گیا تے حکومت، سیاستدان تے عوام اک پلیٹ فارم اُتے ہون گے: خورشید شاہ

سکھر(پاکستان پوائنٹ نیوز۔24ستمبر 2016) اپوزیشن لیڈر خورشید شاہ نے آکھیا اے کہ جنگ اینی آسان نہیں بھارت نوں ذہن وچ رکھنا چاہیدا اے، جے ریاست نوں چیلنج کیتا تے حکومت، سیاستدان تے عوام اک پلیٹ فارم اُتے نیں۔ تفصیل دے مطابق ہفتے دے دیہاڑے وزیر اعلا سندھ مراد علی شاہ نال سکھر شہر دے دورے دے دوران میڈیا نال گل بات کردے ہوئے سید خورشید شاہ نے آکھیا کہ جنگ اینی آسان نہیں بھارت نوں ذہن وچ رکھنا چاہیدا اے، جے ریاست نوں چیلنج کیتا تے حکومت، سیاستدان تے عوام اک پلیٹ فارم اُتے ہون گے۔

اوہناں نے آکھیا کہ وزیر خارجا نہ ہون پاروں ساہنوں اوکڑاں دا ساہمنا کرنا پے رہیا اے۔ اوہناں نے آکھیا کہ وزیر اعظم محمد نواز شریف نوں اقوام متحدا وچ جان توں پہلے اپوزیشن نوں وی اعتماد وچ لینا چاہیدا سی۔ اوہناں دا کہنا سی کہ وزیر اعظم نے کشمیر اُتے اقوام متحدا وچ موقف چنگے طریقے نال پیش کیتا اے۔