اسلام آباد( پاکستان پوائنٹ نیوز21۔مئی2018ء ) قومی احتساب بیورو(نیب) دے چیئرمین جسٹس (ر)جاوید اقبال نے سپریم کورٹ آف پاکستان دے فیصلے نوں مُکھ رکھدے ہوئے بحریہ ٹاؤن کراچی، بحریہ ٹاؤن لاہور تے بحریہ ٹاؤن راولپنڈی خلاف تحقیقات شروع کر دتیاں نیں ، ڈائریکٹر جنرل نیب راولپنڈی نوں وفاقی وزیر برائے ہاؤسنگ اینڈ ورکس اکرم درانی خلاف غیر قانونی تقرریاں دی شکایت، ڈائریکٹر جنرل سکھر نوں مبینہ طور اُتے آمدن توں ودھ اثاثے بنان پر محرین بھٹو، آصف بھٹو ، کاشف بھٹو تے عارف بھٹو خلاف شکایت دی پُن چھان دا حکم دتا اے۔
چیئرمین نیب نے متعلقہ ڈائریکٹر نوں ہدایت کیتی اے کہ سپریم کورٹ آف پاکستان دے فیصلے دے چانن وچ بحریہ ٹاؤن خلاف تحقیقات نوں تن مہینیاں اندر قانون مطابق منطقی انجام تیکر اپڑایا جائے ۔ایس سلسلے وچ کوئی کوتاہی برداشت نہیں کیتی جائے گی۔ قومی احتساب بیورو (نیب) دے چیئرمین جسٹس (ر)جاوید اقبال نے بحریہ ٹاؤن کراچی، بحریہ ٹاؤن لاہور تے بحریہ ٹاؤن راولپنڈی خلاف تحقیقات شروع کر دتیاں نیں ۔
ایس توں وکھ ڈائریکٹر جنرل نیب راولپنڈی نوں وفاقی وزیر برائے ہاؤسنگ اینڈ ورکس اکرم درانی خلاف غیر قانونی تقرریاں دی شکایت اُتے تحقیقات دی ہدایت کیتی گئی اے۔ چیئرمین نیب جسٹس (ر) جاوید اقبال نے ڈائریکٹر جنرل سکھر نوں مبینہ طور اُتے آمدن توں ودھ اثاثے بنان پر محرین بھٹو، آصف بھٹو ، کاشف بھٹو تے عارف بھٹو خلاف شکایت دی پُن چھان دا حکم دتا ۔
