تحریک انصاف نے (ن) لیگ تے پیپلز پارٹی دیاں اہم وکٹاں اُڈا دتیاں

تحریک انصاف نے (ن) لیگ تے پیپلز پارٹی دیاں اہم وکٹاں اُڈا دتیاں

اسلام آباد(پاکستان پوائنٹ نیوز21۔مئی2018ء ) پاکستان تحریک انصاف نے پیپلز پارٹی تے مسلم لیگ (ن) دیاں اہم وکٹاں اُڈا دتیاں نیں، سابق ایم این اے رانا سہیل تے ایم پی اے ڈاکٹر نادیہ نے تحریک انصاف وچ رلتی ہون دا اعلان کر دتا اے۔ چیئرمین پی ٹی آئی عمران خان نے اوہناں دی پارٹی وچ رلت دا خیر مقدم کیتا اے۔ میڈیا رپورٹس مطابق تحریک انصاف دے چیئرمین عمران خان نال پیپلز پارٹی دے سابق ایم این اے رانا سہیل تے مسلم لیگ (ن) دی رہنما رکن پنجاب اسمبلی ڈاکٹر نادیہ نے وکھ وکھ ملاقات کیتی۔

ملاقات دوران ملک دی چالو صورتحال تے آؤندے الیکشن دے حوالے نال گل بات کیتی گئی۔ ایس موقعے تے پیپلز پارٹی تے مسلم لیگ (ن) دے رہنماواں نے تحریک انصاف وچ رلتی ہون دا اعلان کیتا ۔ دوجے پاسے عمران خان نے ذکر کیتے گئے رہنماواں دی پارٹی وچ رلت دا خیرمقدم کیتا۔ اوہناں نے آکھیا کہ شجاع آباد توں سابق ایم این اے رانا سہیل تے سرگودھا توں ایم پی اے ڈاکٹر نادیہ دی پی ٹی آئی وچ رلت نال پارٹی ہوئی مضبوط ہوئے گی۔