لاہور(پاکستان پوائنٹ نیوز16۔مئی2018ء ) لاہور واسیاں لئی وڈی خشخبری،اورنج لائن ٹرین دا افتتاح کر دتا گیا، وزیر اعلا پنجاب شہباز شریف نے ٹرین وچ آپ سفر کیتا ۔ تفصیل مطابق وزیر اعلا پنجاب میاں محمد شہباز شریف نے لاہور وچ اورنج ٹرین دی آزمائشی سروس دا افتتاح کر دتا اے۔ ایس موقعے تے اوہناں نال چینی قونصلیٹ وی موجود سن۔ اورنج لائن دی آزمائشی سروس ڈیرا گجراں توں لکشمی چوک تیکر ہوئے گی۔
وزیر اعلا پنجاب شہباز شریف نے ایس موقعے تے پوری قوم نوں مبارکباد دیندے ہوئے آکھیا کہ ایس ٹرین دے افتتاح نال عام بندے نوں فائدہ ہوئے گا۔ تحریک انصاف اُتے ڈاڈھی تنقید کردے ہوئے اوہناں دا کہنا سی کہ تحریک انصاف دی وجہ توں اورنج لائن منصوے وچ 22مہینے دیر ہوئی۔ پی ٹی آئی نے ایس منصوے خلاف سٹے آرڈر لے کے عوام دشمنی دا ثبوت دتا سی۔ اوہناں دا کہنا سی کہ کُجھ دناں وچ ٹھوکر نیاز بیگ توں چوک یتیم خانہ تیکر ٹرین چلے گی۔ ہن لوکائی نوں بساں وچ دھکے نہیں کھانے پین گے کیونکہ چھیتی ای میں تے تُسیں اورنج لائن ٹرین وچ سفر کراں گے۔
