احتساب عدالت:سکیورٹی عملے دا نواز شریف دی گل منن توں انکار

اسلام آباد(پاکستان پوائنٹ نیوز16۔مئی2018ء ) احتساب عدالت اسلام آبادوچ سکیورٹی عملے نے میاں نواز شریف دی گل منن توں انکار کر دتا۔تفصیل مطابق احتساب عدالت اسلام آبادوچ سکیورٹی عملے نے میاں نواز شریف دی گل منن توں انکار کر دتا۔ لمی لوڈشیڈنگ کارن عدالتی کمرے وچ حبس سی جیہدی وجہ توں میاں نواز شریف گرمی برداشت نہ کر سکے تے اوہناں نے سکیورٹی لئی موجود عملے دے اک بندے نوں اپنے کول سدیا تے اوہنوں باریاں کھولن تے پردے پچھانہ کرن دا آکھیا ، تاں جے سجری ہوا اندر آئے۔ جواب وچ بندے دا کہنا سی کہ ’سوری سر‘ میں انج کرن دا مجاز نہیں۔ گرمی دی وجہ توں میاں نواز شریف اپنی سیٹ اُتے پاسے بدلدے رہے تے بے چین نظر آئے۔