تربیلا تے منگلا سنے کئی پاور پلانٹس وچ فنی خرابی، ملک بھر وچ بجلی دا بریک ڈاؤن

تربیلا تے منگلا سنے کئی پاور پلانٹس وچ فنی خرابی، ملک بھر وچ بجلی دا بریک ڈاؤن

اسلام آباد(پاکستان پوائنٹ نیوز16۔مئی2018ء ) تربیلا تے منگلا سنے کئی پاور پلانٹس وچ فنی خرابی، ملک بھر وچ بجلی دا وڈا بریک ڈاؤن ہو گیا۔ بجلی دے بریک ڈاؤن نال وفاقی راجدھانی اسلام آباد، پنجاب خیبرپختونخوا تے آزاد کشمیر دے کئی علاقیاں وچ بجلی دی فراہمی معطل ہوگئی۔تفصیل مطابق تربیلا تے منگلا سنے کئی پاور پلانٹس وچ فنی خرابی، ملک بھر وچ بجلی دا وڈا بریک ڈاؤن ہو گیا۔

بجلی دے بریک ڈاؤن نال وفاقی راجدھانی اسلام آباد، پنجاب خیبرپختونخوا تے آزاد کشمیر دے کئی علاقیاں وچ بجلی دی فراہمی معطل ہوگئی اے۔ ایس حوالے نال ترجمان پاور ڈویژن نے ایہ دعوا کیتا کہ بجلی دے بریک ڈاؤن نال سندھ تے بلوچستان دے علاقے متاثر نہیں ہوئے پر پاور پلانٹس وچ خرابی دی وجہ توں ہور علاقیاں وچ بجلی دی فراہمی متاثر اے۔ ترجمان مطابق پاور پلانٹس وچ خرابی نال چار ہزار میگا واٹ بجلی دی فراہمی متاثر ہوئی پر ترجمان نے دعوا کیتا کہ تربیلا، منگلا تے ہور پلانٹس توں بجلی بحال کر دتی گئی اے ۔ پاور ڈویژن دے ترجمان مطابق ملک بھر وچ بجلی دی مجموعی پیداوار 12ہزار میگا واٹ تیکر اپڑ گئی اے تے ایس ویلے سیکرٹری پاور ڈویژن تے ہور بجلی دی فراہمی دی نگرانی کر رہے نیں۔