(ن) لیگ نے 2ایم این ایز نوں ٹکٹ نہ دین دا فیصلا کر لیا

فیصل آباد(پاکستان پوائنٹ نیوز16۔مئی2018ء ) (ن) لیگ نے فیصل آباد دے 2ایم این ایز نوں ٹکٹ نہ دین دا اصولی فیصلا کر لیا اے، درخاستاں اُتے لال پنسل نال کانٹے مار دتے گئے۔ تفصیل مطابق وسیلیاں نے دسیا کہ (ن) لیگ دی اعلا قیادت نے فیصل آباد دے دو سیٹنگ ایم این ایز عاصم نذیر تے میاں فاروق نوں ناقص کارکردگی اُتے ٹکٹ نہ دین دا فیصلا کر لیا اے۔ دوویں ایم این ایز ولوں دتیاں گئیاں درخاستاں اُتے (ن) لیگ دی اعلا قیادت نے لال پنسل نال کانٹے مار دتے۔ وسیلیاں مطابق عاصم نذیر نے چیئرمین پی ٹی آئی نال خفیہ ملاقات کیتی، جیہدی وجہ توں (ن) لیگی قیادت نے اوہناں نوں ٹکٹ نہ دین دا فیصلا کیتا۔ اک اطلاع مطابق (ن) لیگ نے عاصم نذیر نوں ٹکٹ نہ دتا تے اوہ آزاد حیثیت نال الیکشن لڑن گے۔