اسلام آباد(پاکستان پوائنٹ نیوز16۔مئی2018ء ) نیب پراسیکیوٹر نے اسحاق ڈار خلاف ضمنی ریفرنس دی سنوائی دوران آکھیا اے کہ صدر نیشنل بنک دے اکاؤنٹس نوں اسحاق ڈار استعمال کردے نیں۔تفصیل مطابق سابق وزیر خزانہ اسحاق ڈار خلاف ضمنی ریفرنس دی سنوائی ہوئی۔ استغاثہ دے گواہ محمد عظیم احتساب عدالت وچ پیش ہوئے۔ اسحاق ڈار ولوں ہجویری فاؤنڈیش نوں جاری چیکس دیاں تفصلاں عدالت وچ پیش کیتیاں گئیاں۔
نیب پراسیکیوٹر عمران شفیق نے آکھیا کہ صدر نیشنل بنک سعید احمد اُتے الزام اے کہ اوہناں نے اسحاق ڈار دے ناں اُتے 7اکاؤنٹ کھولے۔ سعید احمد نے عدالت نوں دسیا اے کہ اوہ اکاؤنٹ کیہدے آکھن تے کھولے گئے، کُجھ اکاؤنٹ اوہناں دے اپنے ناں اُتے نیں پر اوہناں دا استعمال اسحاق ڈار کردے نیں۔ سعید احمد دسن کہ اوہ اکاؤنٹ کیہڑے نیں تے کِنی رقم اوہناں اکاؤنٹس وچ اے۔
