انقرہ(پاکستان پوائنٹ نیوز15۔مئی2018ء ) فلسطین دی وگڑدی صورتحال اُتے ترکی نے او آئی سی دا ہنگامی اجلاس سد لیا۔ او آئی سی دا ہنگامی اجلاس 18مئی نوں سدیا گیا اے۔ اجلاس وچ امریکا ولوں بیت المقدس وچ سفارتخانہ منتقل کرن تے اوہدے مگروں شروع ہون والی اسرائیلی جارحیت بارے گل بات کیتی جائے گی۔ تفصیل مطابق پچھلے دیہاڑے امریکا نے پچھلے ورھے دسمبر وچ کیتے گئے اپنے اعلان مطابق اپنا سفارتخانہ بیت المقدس منتقل کر دتا اے۔
امریکا ولوں سفارتخانہ بیت المقدس منتقل کیتے جان دے معاملے اُتے فلسطنییاں دی وڈی گنتی احتجاج کر رہی اے۔ اسرائیل نے روایتی ظلم دا وکھالا کردے ہوئے اک وار فیر وکھالویاں نوں طاقت دے زور اُتے مدھن دی کوشش کیتی ۔ اطلاع مطابق اسرائیلی فورسز دے تشدد دے نتیجے وچ 55توں ودھ فلسطینی شہید جدکہ 2ہزار توں ودھ زخمی ہوئے نیں۔ ایس حوالے نال عالمی برادری ولوں اسرائیلی رویے دی مذمت کیتی گئی اے۔ اطلاع مطابق ترکی نے فلسطین دی صورتحال اُتے او آئی سی دا ہنگامی اجلاس سدیا اے۔ او آئی سی دا ہنگامی اجلاس 18مئی نوں ہوئے گا۔ اجلاس وچ امریکا ولوں بیت المقدس وچ سفارتخانہ منتقل کرن تے اوہدے مگروں پیدا ہون والی صورتحال بارے گل بات کیتی جائے گی۔
