ڈان لیکس معاملا:راحیل شریف نے آپ کال کر کے مریم نواز نوں مبارکباد دتی کہ ڈان لیکس توں تہاڈا ناں کڈھ دتا گیا اے

ڈان لیکس معاملا:راحیل شریف نے آپ کال کر کے مریم نواز نوں مبارکباد دتی کہ ڈان لیکس توں تہاڈا ناں کڈھ دتا گیا اے

اسلام آباد(پاکستان پوائنٹ نیوز15۔مئی2018ء ) نجی ٹی وی چینل دے پروگرام وچ گل بات کردے ہوئے مشہور پرچا کار رؤف کلاسرا نے آکھیا کہ سوال تے ایہ اے کہ نواز شریف نے سرل المیڈا نوں ای کیوں انٹرویو دتا؟اوہناں نے آکھیا کہ ڈان لیکس دے معاملے اُتے نواز شریف نے قیامت ڈھا دتی سی۔نواز شریف ولوں جاری نوٹی فکیشن وچ ظفر عباس دا ناں دتا گیا تے نال آکھیا گیا سی کہ سرل المیڈا خلاف وی کارروائی ہونی چاہیدی۔

اوہ تے بعدوں اسیں رولا پا دتا سی کیونکہ اسیں سارے سرل المیڈا نوں جاندے آں۔ اوہناں خلاف نواز شریف نے آپ آڈر کیتا سی۔ ظفر عباس خلاف، ڈان خلاف تے سرل المیڈا خلاف۔ ایہدے بدلے وچ اوہناں نے تن لوکاں نوں طارق فاطمی، مشاہد اللہ تے پرویز رشید دیاں قربانیاں دتیاں سن۔ رؤف کلاسرا نے آکھیا کہ سرل المیڈا نوں انٹرویو لئی سدن پچھے اک کہانی اے۔ سرل المیڈا نوں انٹرویو دے کے اوہناں لوکاں نوں پیغام دتا گیا اے، جیہناں نے ڈان لیکس دے معاملے وچ اوہناں نوں ریسکیو کیتا سی۔

اوہناں نے اوہناں لوکاں نوں پیغام دتا اے جیہناں نے اپنے ٹویٹ واپس لئے سن۔ نواز شریف کسے نوں وی انٹرویو دے سکدے سن پر اوہناں نے انج نہیں کیتا کیونکہ اوہناں نے اک پیغام دینا سی اوہناں نوں جیہناں نے ریسکیو کیتا سی کہ جناب تُسیں ٹویٹس واپس لئے، تُسیں بیٹھ کے سیٹلمنٹ کیتی۔ جنرل (ر) راحیل شریف بارے اک خبر آئی سی، طارق عزیز نے چھاپی سی جیہدے وچ آکھیا گیا سی کہ ڈان لیکس توں مریم نوں کڈھن والے جنرل راحیل شریف سن، جنرل راحیل شریف نے آپ فون کر کے مریم نواز نوں مبارکباد دتی تے آکھیا سی کہ تہاڈا ناں اسیں ڈان لیکس توں کڈھ دتا اے۔ ایہدے بدلے جنرل راحیل شریف ملازت وچ توسیع چاہندے سن۔