وزیر داخلا احسن اقبال نوں ہسپتال توں ڈسچارج کر دتا گیا

لاہور(پاکستان پوائنٹ نیوز14۔مئی2018ء ) وزیر داخلا احسن اقبال نوں سروسز ہسپتال توں ڈسچارج کر دتا گیا۔ وزیر داخلا احسن اقبال ہسپتال توں سِدھے جوہر ٹاؤن وچ اپنی ماں دی قبر اُتے گئے۔ تفصیل مطابق قاتلانہ حملے وچ زخمی ہون مگروں وزیر داخلا پچھلے کُجھ دناں توں سروسز ہسپتال لاہور وچ زیر علاج سن ،پر ہن اوہناں نوں ہسپتال توں ڈسچارج کر دتا گیا۔ وزیر داخلا احسن اقبال نوں سخت سکیورٹی وچ ہسپتال توں جوہر ٹاؤن اوہناں دی ماں دی قبر اُتے حاضری لئی لیجایا گیا۔ احسن اقبال نے اپنی ماں دی قبر اُتے فاتحہ خوانی کیتی۔ ایس موقعے اُتے جاری ویڈیو پیغام وچ وزیر داخلااحسن اقبال نے اپنے چاہیواناں تے کارکناں دا شکریہ ادا کیتا۔