پاک فوج ہر قسم دے خطرے نال نبڑن لئی تیار اے‘ پوری قوم تے مادرِ وطن دے چپے چپے دا ہر قیمت اُتے دفاع کیتا جاوے گا‘ ہر خطرے دا مونَہ توڑ جواب دواں گے: آرمی چیف

راولپنڈی‘ کھاریاں (پاکستان پوائنٹ نیوز۔23ستمبر 2016) آرمی چیف جنرل راحیل شریف نے کہیا اے کہ پاک فوج ہر قسم دے خطرے نال نبڑن لئی تیار اے‘ پوری قوم تے مادرِ وطن دے چپے چپے دا ہر قیمت اُتے دفاع کیتا جاوے گا‘ ہر خطرے دا مونَہ توڑ جواب دواں گے۔ پاک فوج دے شعبا تعلق عاما (آئی ایس پی آر) دے مطابق آرمی چیف جنرل راحیل شریف نے قومی انسداد دہشتگردی دے مرکز دا دورا کیتا جِتھے لیفٹیننٹ جنرل عمر فاروق درانی نے آرمی چیف نوں انسداد دہشتگردی مرکزی دے مختلف پہلوواں اُتے بریفنگ وی دِتی‘ بریفنگ وچ آرمی چیف نُوں دسیا گیا کہ سینٹر سیکیورٹی فورساں نُوں انسداد دہشتگردی دے حوالے توں تربیت فراہم کر رہیا اے‘ سینٹر وچ مسلح فوج دے 2 لکھ 31 ہزار جواناں نُوں تربیت دِتی گئی جد کہ 3 ہزار 483 پولیس افسراں تے اہلکاراں نے وی سینٹر وچ تربیت حاصل کیتی‘ تربیت دے علاوا 5 سانجھیاں مشقاں وی منعقد کروائیاں جہناں وچ چین‘ سعودی عرب تے بحرین نُوں وی شامل کیتا گیا‘ ایس موقع اُتے آرمی چیف نے سینٹر دے بنیادی ڈھانچے تے وادھو سہولتاں دا افتتاح کیتا۔

آرمی چیف جنرل راحیل شریف نے سنٹر وچ تربیت فراہم کرن والیاں دی تعریف کیتی۔ آرمی چیف نے افسراں تے جواناں نال گل بات کردیاں ہویا کہیا کہ سینٹر وچ دستیاب سہولتاں نال تربیت دے بہترین معیار نُوں برقرار رکھیا گیا۔ آرمی چیف نے کہیا کہ کِسے نُوں ساڈی بہادر فوج تے ایہدیاں صلاحیتاں اُتے شک نہیں ہونا چاہیدا اے‘ پاک فوج نے دہشتگردی خلاف بہت قربانیاں دِتیاں نیں۔ اوہناں نے کہیا کہ پاکستان اِک دہاکے توں دہشتگردی دا شکار اے پر پاک فوج دیاں پیشا وارانا صلاحیتاں تے لوکائی دے عزم نال دہشتگردی ختم ہوئی۔