اسلام آباد (پاکستان نیوز پوائنٹ 22ستمبر 2016ء) قومي اسيمبلي جي دفاعي پيداوار بابت اسٽينڊنگ ڪميٽي گڏيل قومن جي جنرل اسيمبلي جي جلاس ۾ پاڪستان ۽ ڪشمير جو موقف چٽي انداز ۾ پيش ڪرڻ تي وزيراعظم محمد نواز شريف کي خراج تحسين پيش ڪيو آهي. ڪالهه خميس ڏينهن قومي اسيمبلي جي اسٽينڊنگ ڪميٽي جو اجلاس خواجه سهيل منصور جي صدارت ۾ پارليامينٽ هائوس ۾ منعقد ٿيو، اجلاس ۾ وزيراعظم محمد نواز شريف کي گڏيل قومن جي جنرل اسيمبلي جي اجلاس ۾ جنهن انداز ۾ ڪشمير مسئلي ۽ والاريل ڪشمير ۾ ڀارتي فورسز جي تازي بربريت، عدالت کان مٿانهين قتل، برهان واني سميت معصوم ٻارن کي شهيد ڪرڻ، ڇرن واري بندوق جو استعمال ۽ انساني حقن جي سنگين خلاف ورزين جي باري ۾ اصل تصور دنيا جي سامهون رکي ڪشميرين جي حقيقي معنيٰ ۾ ترجمان ڪئي آهي جنهن تي ڪميٽي وزيراعظم کي خراج تحسين پيش ڪري ٿي، پاڪ فوج جي جنگي ۽ پيشيوراڻي تيارين تي ڪميٽي جي چيئرمين چيو ته پوري قوم پاڪ فوج سول ۽ فوجي قيادت کي ملڪ جو دفاع ناقابل تسخير بنائڻ تي پاڪ فوج جي سربراهه کي سلام پيش ڪري ٿي. ڪميٽي چيو ته پاڪ چين اقتصادي راهداري منصوبي جي سيڪيورٽي جي حوالي سان ڪنهن به قسم جو ٺاهه نه ڪرڻ گهرجي.
قومي اسيمبلي جي دفاعي پيداوار بابت اسٽينڊنگ ڪميٽي پاران وزيراعظم کي خراج تحسين پيش
8 سال پچھے
