اسلام آباد(پاکستان پوائنٹ نیوز۔22ستمبر 2016) الیکشن کمیشن آف پاکستان نے عمران خان نوں راولپنڈی وچ ریلی تے جلسے توں روک دِتا، رکن اسمبلی نوں انتخابی مہم وچ رلت دی اجازت نہیں۔ تفصیل دے مطابق جمعرات دے دیہاڑے الیکشن کمیشن نے چیئرمین تحریک انصاف عمران خان نوں نوٹس جاری کردے ہوئے پی پی 7 وچ ریلی تے جلسے وچ رلت توں روکن لئی نوٹس جاری کر دِتا اے،نوٹس دے مطابق ریٹرننگ افسر پی پی 7 راولپنڈی نے عمران خان نوں رلت توں روکیا اے۔
عمران خان نوں جاری نوٹس وچ آکھیا گیا اے کہ پارٹی بینرز تے میڈیا توں پتا چلیا اے کہ ٹیکسلا وچ تُسیں ریلی وچ رلت کرو گے،الیکشن دے قواعد تے ضابطے دے مطابق منتخب رکن اسمبلی نوں انتخابی مہم وچ رلت دی اجازت نہیں۔ یاد رہوے کہ عمران خان نے پی پی 7 توں تحریک انصاف دے امیدوار عمار صدیق خان دی ریلی وچ رلت کرنی اے تے ایس حلقے وچ 26 ستمبر نوں الیکشن ہووے گا۔
