لاہور(پاکستان پوائنٹ نیوز26۔اپریل2018ء) 15ورھیاں دی کُڑی دے 4 ویاہ کرن دی کہانی وچ نواں موڑ آ گیا۔ مصباح نے 4ویاہ کرن دی خبر نوں رد کر دتا۔ تفصیل مطابق سیالکوٹ دی 15ورھیاں دی مصباح بارے خبراں آ رہیاں سن کہ اوہنے چار مزدوراں نال مختلف ویلیاں وچ ویاہ کیتا پر نجی ٹی وی چینل مطابق مصباح نے چار ویاہواں دی خبر نوں رد کر دے ہوئے آکھیا کہ میری عمر ہن 15سال اے تے جدوں میں 14ورھیاں دی سی اودوں میرا نکاح عاطف نواز نال ہویا ۔
ایہدے مگروں میرا کوئی ویاہ نہیں ہویا تے ایہناں لوکاں نے جانکے عدالت وچ میریاں تصویراں وکھائیاں نیں۔ سبھ نے نال جعلی نکاح نامہ وی تیار کروایا۔ مصباح دا کہنا سی کہ صابر نامی شہری میرے نال ویاہ نال کرنا چاہندا سی پر میرے ابا جی نے میرا ویاہ عاطف نال کردتا سی۔
