اسلام آباد(پاکستان پوائنٹ نیوز26۔اپریل2018ء) اسلام آباد ہائی کورٹ نے خواجا آصف نوں آئین دے آرٹیکل 62ایف ون دے تحت نااہل قرار دے دتا اے۔ اسلام آباد ہائی کورٹ دے لارجر بنچ نے (ن) لیگی رہنما خواجا آصف دی نااہلی بارے کیس دا فیصلاسُنایا۔ فیصلا جسٹس اطہر من اللہ دی سربراہی وچ لارجر بنچ نے سُنایا۔ خواجا آصف نااہلی کیس دا فیصلا جسٹس اطہر من اللہ نے لکھیا ۔
فیصلے مطابق (ن) لیگ دے سینئر رہنما خواجا آصف صادق تے امین نہیں رہے۔ عدالت نے خواجا آصف نوں زندگی بھر لئی نااہل قرار دے دتا۔ خواجا آصف دی نااہلی دے فیصلے وچ ایہ وی لکھیا گیا اے کہ اسیں ایہ فیصلا بھاری دل نال لکھ رہے آں۔ اک سیاسی بندے نوں نااہل کرن دی بجائے ووٹراں دے خاب ٹُٹن دا دُکھ ہویا اے۔ خواجا آصف نے اپنے کاغذات وچ ملازمت دے سمجھوتے نوں لُکایا جو کہ اک خطرناک کم اے۔
