ْْخواجا آصف مگروں احسن اقبال دی واری

لاہور(پاکستان پوائنٹ نیوز26۔اپریل2018ء) تحریک انصاف دے رہنما ابرار الحق نے وزیر داخلا احسن اقبال خلاف عدالت جان دا اعلان کیتا اے۔ نجی ٹی وی چینل نال گل بات کردے ہوئے ابرار الحق دا کہنا سی کہ خواجا آصف دی نااہلی بارے کیس دے فیصلے دی اُڈیک سی۔ اقامے دی بنیاد اُتے احسن اقبال خلاف وی عدالت جاواں گے تے ایس بارے ساڈی پوری تیا ری اے۔ چیتے رہوے کہ اج پاکستان تحریک انصاف دے رہنما عثمان ڈار دی درخاست اُتے خواجا آصف نوں اسلام آباد ہائی کورٹ نے زندگی بھر لئی نااہل قرار دتا اے۔ خواجا آصف اُتے باہرلے ملک نوکری کرن تے اقامہ رکھن دا الزام سی۔