لاہور(پاکستان پوائنٹ نیوز21۔اپریل2018ء) سپریم کورٹ نے پنجاب یونیورسٹی دے وائس چانسلر نوں معطل کر ن دا حکم دتا اے۔ عدالت عظمی نے سینئر ترین پروفیسر نوں عبوری وائس چانسلر تعینات کرن دا وی حکم جاری کیتا۔ چیف جسٹس پاکستان میاں ثاقب نثار دا اپنے ریمارکس وچ کہنا سی کہ یونیورسٹی دی 80کنال زمین حکومت نوں کس حیثیت وچ دتی گئی۔ سپریم کورٹ نے زمین دین والے سنڈیکیٹ ارکان نوں سد لیا۔
چیف جسٹس نے ریمارکس دتے کہ ثابت ہو گیا کہ حکومت جائز و ناجائز مطالبے منوان لئی مستقل وائس چانسلر تعینات نہیں کردی۔ اوہناں نے پُچھیا کہ ڈھائی ورھیاں لئی پکا وائس چانسلر کیوں نہیں تعینات کیتا جاندا، دسیا جائے کہ ایہدے وچ دیر دا ذمے وارکون اے۔ چیف جسٹس نے آکھیا کہ سنڈیکیٹ نے کس حیثیت نال یونیورسٹی دی زمین حکومت نوں دتی، عدالت نوں پتا اے کہ اورنج لائن منصوبے لئی زمین دتی گئی۔
