اسلام آباد(پاکستان پوائنٹ نیوز21۔اپریل2018ء) پیپلزپارٹی چھڈ کے کُجھ دن پہلے ای تحریک انصاف وچ رلتی ہون والے رہنما ندیم افضل چن نے اپنے ٹویٹ وچ آکھیااے کہ پیار نال جی آیاں آکھن اُتے تحریک انصاف دا شکر گزار آں پر اجے رلتی نہیں ہویا تے پیپلز پارٹی دے جھنڈے والا ٹویٹر اکاؤنٹ میرا اے جدکہ تحریک انصاف دے جھنڈے والا میرے ناں نال جوڑیا جان والا اکاؤنٹ جعلی اے۔
تفصیل مطابق پچھلے دیہاڑے ندیم افضل چن نے اپنے ٹویٹ وچ آکھیا اے کہ میں اجے تیکر تحریک انصاف وچ رلتی نہیں ہویا۔ اوہناں دا کہنا سی کہ تحریک انصاف وچ رلتی ہون دا اعلان 15اپریل نوں کراں گا۔ندیم افضل چن نے اپنے ٹویٹ وچ آکھیا کہ پیار نال جی آیاں آکھن اُتے تحریک انصاف دا شکر گزار آں پر اجے رلتی نہیں ہویا۔ اوہناں دا کہنا سی کہ پیپلز پارٹی دے جھنڈے والا ٹویٹر اکاؤنٹ میرا اے جدکہ تحریک انصاف دے جھنڈے والا میرے ناں نال جوڑیا جان والا اکاؤنٹ جعلی اے۔
