اسلام آباد(پاکستان پوائنٹ نیوز19۔اپریل2018ء) تحریک انصاف وڈی مشکل وچ پھس گئی۔ تحریک انصاف نے خیبرپختونخوا وچ اکثریت گوا دتی، اپوزیشن دا عدم اعتماد تحریک لیان دا اعلان۔ تفصیل مطابق تحریک انصاف وڈی مشکل وچ پھس گئی۔ تحریک انصاف نے خیبرپختونخوا وچ اکثریت گوا دتی۔ تحریک انصاف اپنے 20ارکان نوں شوکاز نوٹس جاری کرن مگروں وڈی مشکل وچ پھس گئی اے ۔
تحریک انصاف نے اپنے ای صوبے وچ اکثریت گوا دتی اے۔ 123رکنی صوبائی اسمبلی وچ تحریک انصاف دے ارکان تے اوہدے حامی ارکان دی گنتی صرف 45رہ گئی اے۔ جماعت اسلامی دے 8ارکان نوں رلان نال گنتی 53ہو جاندی اے جدکہ حکومت دی سادہ اکثریت لئی 62ارکان دی حمایت ہونا ضروری اے۔ ایس موقعے دا فائدہ چُکدے ہوئے مخالفاں نے وی تحریک انصاف خلاف خطرے دی گھنٹی وجاندے ہوئے عدم اعتماد تحریک لیان دا اعلان کیتا اے۔ چیتے رہوے کہ پچھلے دیہاڑے تحریک انصاف دے سربراہ عمران خان ولوں 20صوبائی ارکان اسمبلی نوں سینیٹ الیکشن وچ ووٹ ویچن دے الزاماں اُتے شوکاز نوٹس جاری کیتا گیا سی۔
