لاہور(پاکستان پوائنٹ نیوز19۔اپریل2018ء) مشہور پاکستانی آل راؤنڈر شاہد خان آفریدی تے شعیب ملک آؤندے مہینے ویسٹ انڈیز خلاف شیڈول ٹی ٹونٹی چیریٹی ٹی ٹونٹی انٹرنیشنل کرکٹ میچ وچ آئی سی سی ریسٹ آف ورلڈ الیون دی نمائندگی کرن گے۔ میڈیا رپورٹ مطابق آئی سی سی نے کالی انھیری خلاف شیڈول میچ لئی فرسٹ گروپ آف پلیئرز دا اعلان کر دتا اے۔ جیہدے وچ شاہد آفریدی، شعیب ملک تے سری لنکا دے تھمارا پریرا شامل نیں۔
باقی سکواڈ دا اعلان آؤندے کُجھ دناں وچ کیتا جائے گا۔ آفریدی نے اپنے بیان وچ آکھیا کہ مینوں ایس گل دی خُشی اے کہ وڈے مقصد لئی میرا چناؤ کیتا گیا، کرکٹ وچ سبھ کھڈاری اک فیملی وانگ ہوندے نیں، ساڈا پیشہ تے اخلاقی فرض وی ایہو اے کہ لوڑ ویلے سبھ اکٹھے ہو جائیے۔ شعیب ملک نے آکھیا کہ لارڈز وچ ایس میچ دے انعقاد نال اوہناں دی اہمیت ہور ودھ گئی اے۔ اوہناں دا کہنا سی کہ میری ایس گراؤنڈ نال چنگیاں یاداں جُڑیاں نیں۔ کوشش ہوئے گی کہ عمدہ کارکردگی دا وکھالا کر کے ٹیم نوں کامیابی دوان وچ کردار ادا کراں۔چیتے رہوے کہ آفریدی نے مارچ 2016وچ آخری ٹی ٹونٹی انٹرنیشنل میچ کھیڈیا سی تے ہن اوہ تھوڑی دیر لئی فیر انٹرنیشنل کرکٹ وچ کم بیک کرن گے۔
