پاکستانی نوجوان حج کرن لئی سائیکل اُتے سعودی عرب روانہ ہو گیا

لاہور(پاکستان پوائنٹ نیوز16۔اپریل2018ء) لاہور دا واسی نوجوان محمد عرفان کل (ایتوار) نوں حج کرن لئی سائیکل اُتے سعودی عرب روانہ ہو گیا اے۔ نوجوان لاہور توں کراچی تے کراچی توں عراق و ایران توں ہوندا ہویا سعودی عرب اپڑے گا تے اوہدا ایہ سفر آؤندے 99دناں وچ پورا ہوئے گا۔ محمد عرفان نے مقامی میڈیا نال گل بات کردے ہوئے دسیا کہ اوہنے پاکستان تے سعودی عرب دوویں ملکاں دے قومی جھنڈے اپنے نال رکھے نیں کیونکہ جتھے اوہدا مقصد حج دا فریضہ ادا کرنا اے اوتھے دوویں ملکاں وچکار مضبوط تے برادرانہ تعلقات دا اظہار کرنا وی اے۔ محمد عرفان نے ہور دسیا کہ اوہدا ایہ سفر 99دناں وچ پورا ہوئے گا تے اوہ حکام توں ویزے دی منگ کردا اے تاں جے آسانی نال حج ادا کر سکے۔