شاہد آفریدی نوں فیئرویل میچ دا موقع دیاں گے: انضمام الحق

لاہور(پاکستان پوائنٹ نیوز20۔ستمبر2016ء) انضمام الحق دا کہنا اے کہ شاہد آفریدی نوں فیرویل میچ دا موقع دیاں گے۔ تفصیل دے مطابق چیف سلیکٹر انضمام الحق دا کہنا اے کہ انشاء اللہ قومی کرکٹ ٹیم نوں ورلڈ کپ لئی کوالیفائنگ راؤنڈ نہیں کھیڈنا پئے گا۔ اوہناں نے آکھیا کہ ون ڈے رینکنگ وچ اک دن وچ بہتری نہیں ہو سکدی پر ویسٹ انڈیز خلاف ون ڈے سیریز وچ ایس وار انشاء اللہ بہتر نتیجے آن گے۔ شاہد آفریدی دے حوالے نال چیف سلیکٹر دا کہنا اے کہ جے اوہ میدان توں وادع ہونا چاہندے نیں تے اوہناں نوں میچ کھیڈن دا موقع ملنا چاہیدا۔ اوہناں نے آکھیا کہ شاہد آفریدی نوں فیئرویل میچ دا موقع ضرور ملے گا۔