زندگی بھر لئی نااہلی دا فیصلا وی قبول، پر تاریخ کُجھ ہور دسے گی: وزیراعظم

سیاست دے عدالتی فیصلیاں نوں تاریخ نے کدی عزت نہیں دتی، اک جماعت نویں صوبے بنان دا فیصلا نہیں کر سکدی: جلا ل پور پیر والا وچ اوچ شریف روڈ سیکشن دی افتتاحی تقریب نال خطاب

زندگی بھر لئی نااہلی دا فیصلا وی قبول، پر تاریخ کُجھ ہور دسے گی: وزیراعظم
 سیاست دے عدالتی فیصلیاں نوں تاریخ نے کدی عزت نہیں دتی، اک جماعت نویں صوبے بنان دا فیصلا نہیں کر سکدی: جلا ل پور پیر والا وچ اوچ شریف روڈ سیکشن دی افتتاحی تقریب نال خطاب

جلال پور پیر والا(پاکستان پوائنٹ نیوز14۔اپریل2018ء) وزیر اعظم شاہد خاقان عباسی دا کہنا اے کہ سانوں زندگی بھر لئی نااہلی دا فیصلا وی قبول اے پرتاریخ کُجھ ہور ای دسے گی، سیاست دے عدالتی فیصلیاں نوں تاریخ نے کدی عزت نہیں دتی، اک جماعت نویں صوبے بنان دا فیصلا نہیں کر سکدی۔ جلال پور پیر والا وچ اوچ شریف روڈ سیکشن دی افتتاحی تقریب نال خطاب دوران وزیر اعظم پاکستان دا کہنا سی کہ کوئی اک جماعت نویں صوبے بنان دا فیصلا اکلی نہیں کر سکدی۔

الیکشن توں دو مہینے پہلاں پریس کانفرنس نال مسئلے حل نہیں ہوندے۔ نواں صوبہ بنان لئی سیاسی جماعتاں نوں اک ہونا پئے گا۔ اوہناں نے آکھیا کہ لوک جھوٹھ دی سیاست نوں پسند نہیں کردے۔ اوہناں نے آکھیا کہ اسیں جمہوریت دے وقار نوں مجروح نہیں ہون دتا۔ سیاست دے فیصلے عدالتاں وچ ہونا چنگی ریت نہیں اے۔ سیاست دے فیصلے جولائی وچ پولنگ سٹیشن اُتے ہون گے۔ اوہناں نے آکھیا کہ پارلیمنٹ وچ آئینی ترمیم سانجھی رائے نال ہوندی اے۔ بہاولپور تے جنوبی پنجاب لئی قرارداد پاس کروائی۔ وزیر اعظم دا کہنا سی کہ پاکستان دی بہتری لئی ساریاں جماعتاں نوں رلکے فیصلا تے سانجھ پیدا کرنی پئے گی۔