لاہور(پاکستان پوائنٹ نیوز14۔اپریل2018ء) چیف جسٹس آف پاکستان جسٹس ثاقب نثار نے عطائی ڈاکٹراں نوں اک ہفتے وچ گرفتار کرن دا حکم دے دتا، پنجاب پولیس ڈاکٹراں نوں گرفتار کر کے رپورٹ پیش کرے۔ میڈیا رپورٹس مطابق سپریم کورٹ لاہور رجسٹری وچ چیف جسٹس ثاقب نثار دی سربراہی وچ بنچ نے سرکاری ہسپتالاں وچ ناقص صورتحال اُتے آپ نوٹس کیس دی سنوائی کیتی۔
ایس موقعے تے سپریم کورٹ نے محکمہ صحت وچ ساریاں خالی اسامیاں بھرن دا حکم دتا۔ عدالت نے حکم دتا کہ پنجاب پبلک سروس کمیشن راہیں محکمہ صحت وچ بھرتیاں دا عمل شروع کیتا جائے۔ چیف سیکرٹری نے عدالت نوں د سیا کہ الیکشن توں پہلاں بھرتیاں نہیں کیتیاں جا سکدیاں پر پنجاب پبلک سروس کمیشن نوں استثنا حاصل اے۔ ایسے طرحاں چیف جسٹس سپریم کورٹ نے عطائی ڈاکٹراں خلاف وی سخت ایکشن لیا اے۔ چیف جسٹس نے پنجاب دے عطائی ڈاکٹراں نوں اک ہفتے وچ گرفتار کرن دا حکم دے دتا۔
