اسلام آباد(پاکستان پوائنٹ نیوز17۔ستمبر2016ء) وزیر دفاع خواجا محمد آصف نے آکھیا اے کہ افغان صدر بھارت دی زبان بول رہے نیں جوکہ اوہناں دی حیثیت دے منافی اے، افغان صدر نوں پاکستان خلاف بیان نہیں دینے چاہیدے۔ تفصیل دے مطابق ہفتے دے دیہاڑے افغان صدر دے بھارت وچ پاکستان مخالف بیان اُتے ردعمل دا وکھالا کردے ہوئے وزیر دفاع نے آکھیا کہ افغان صدر اشرف غنی نے بھارت جا کے اوہناں دی زبان بولنا شروع کر دتی اے جو غلط تے اوہناں دی حیثیت تے مرتبے دے منافی اے۔ اوہناں نے آکھیا کہ اشرف غنی نوں پاکستان خلاف بیان نہیں دینے چاہیدے۔ وزیر دفاع دا ہور کہنا سی کہ بھارت تے افغانستان نوں بغیر کسے دیر دے چاہ بہار بندرگاہ دی ورتوں شروع کر دینی چاہیدی۔
افغان صدر دا بھارتی زبان بولنا اوہناں دی حیثیت دے منافی اے: وزیر دفاع خواجا آصف
8 سال پچھے
